2023 жылдың 9 айдың ішінде Қызылорда облысы бойынша Ұлттық сараптама орталығының филиалы қауіпсіздік көрсеткіштері бойынша 790 жеміс-көкөніс өнімінің сынамасын зерттеді.

Тексеру нәтижесі бойынша 24 сынамада нитраттардың артуы анықталды. Сәйкессіздік картопта, қарбызда, қауында, жүзімде және өрікте табылды. Осылайша, қауын мен қарбызда нитраттардың мөлшері рұқсат етілген деңгейден 1,5 есе, жүзімде, өрікте және картопта 1,1 есе асып түсті.

Зертхана мамандары маусымдық өнімдерді сатып алуды ұсынады, өйткені олар пайдалы заттарға бай. Сондай-ақ, тұтынушы өнімдерге тән емес пішіні, түсі мен иісі бар көкөністер мен жемістерді көрнекі түрде ажырата алады және сатып алудан бас тарта алады.

Нитраттар негізінен тамырларда, тамыр дақылдарында, сабақтарда және жапырақтардың үлкен талшықтарында жиналады.